أبسالك .. يادنيا وجاوبيني

السلام عليكم ورحمة الله وبركاته


من كتاباتي المتواضعة .. اتمنى تحوز على بعض من اعجابكم



أبسالك .. يادنيا
وجاوبيني
انا مو مثل بعض الشباب ولا لي بالبشر شبيه او ند
روحي غير
واحساسي غير
والله غير
يادنيا غير
قلبي مايعرف يخون
لا .. ولا ينقض عهود
صاين وده مهما زمانه يجور
ومع كل هذا.؟
تجرحيني.......
وتحرميني اعيش مثل كل الشباب
تمنيت الفرح ثوب ابيض
وبيديك تلبسيني اياه
لقيتك .. تزفيني
بثوب اسود
وبليا شموع
ليه بس يادنيا
معي الخيانه تلبس
لي كل يوم ثوب
يوم بثوب الصديق
ويوم اقرب قريب
يخونون قلبي ليه.؟
بس ودي اعرف ليه
عطيتهم مابخلت بشي
دمعي وياالشجون
وبنيت لهم بضميري
اروع القصور
وبالحظه .!
يهدمون صرح الوفاء ليه
ودي بس اعرف ليه.؟؟
يمكن ساعتها .. انسى اسمي
وابيع احساسي لك يادنيا
ابسالك .. يادنيا
انا مو بشر مثلهم.؟
عندي احساس وشعور
ولا انا في نظرهم
مجرد اسم بليا روح
وعثرة بدربهم
فرشت قلبي لهم
بستان شوق ووله لعيونهم
اموت لمرت لحظة حزن
تعكر صفو ايامهم
وابكي لهم لجل اسلي حزنهم
القاهم
بدمعتي يستهزوون
وعني يقولون
اعجوبه من اعاجيب الزمان.؟
ليه يادنيا .. جاوبيني.!!
وين اروح بجرحي
وهم احرموني حتى فرحي
ايه .. شفته.؟
بعيوني اللي عشقته
طعني حسبي الله عليه
وصرخ قلبي والله اموت فيه
قتيل ويحب قاتله
والله امرك غريب
ياقلب يتيم.. واجمل الشعور
تحب قاتلك حسبي الله عليك.!
حتى انت ياقلب
معهم علي
تعشقه ولجرحه تنادي
مااكفاك الجرح الاول تطلب الثاني.؟
ابسالك يادنيا.؟
ليه اللي يخون
ويستعذب جرح القلوب
تفرشين دربه وورود
واللي وفى.. ومن قلبه عطى
كل حظه منك جرح احساس وضمير
شفتهم كلهم يخنون
والسعادة في عيونهم تبين
وانا وحدي يبكيني الوفاء
وكل لحظه جفاء
والبرد يسكن بالعروق
ومع هذا قلبي للحين
وافي وحنون
وللحين ينبض بحبهم
راح وتركني يطلب ودهم ............